&&آآهـــــداء خــاص للـي ببالي&& ((الجزء الاول))

كيف الحال للجميع ان شاء الله الكل بخيرر

الآن اترككم مع الابيات واتمنى منكم المتابعه والمشاركة
.

لي في ذمتك ياراعي الظلم دينين
دين الشقــــــا ودين الحياة الكئيبه
عودتني في ساعــــة الهم والبين
ألقاك بجنبي في الليالي الصعيبه
واليوم ويني عنك وانت بعد وين
ضـــاع الوصل ماعاد شي يجيبه
ولا عاد تنفع نظــرة العين للعين
يوم لمحتك والمشاعـــــــر قريبه


جـيتك من الحرمان من ديرة اليأس
احمل مفاتيح الشــقـــــا في يديني
جيتك ودمعي حبر والخد قرطاس
وسم العــذاب مــعلـم في جــبيني



تشوف عيني جملة الناس عدوان
وعقلي يقول اصابعي ماتشابه
وقلبي تبلد من عقب جرح خوان
ماعاد يرد العلم عقب الاصابه
في صمت، تجري بي تصاريف الأزمان
أمشي وعلم الغيب مايندرى به
وأحس بالغربة وأنا وسط الأوطان
يتيــــــــــــم بين الأهل والقرابه
أوراق مع ظرفين صورة وديوان
ثـــــروة تنازعي عليهـــــــا ذيابه
وصار الزمن والناس والحظ عدوان
والغلطة إني مدمـــــــن بالكتابه



مابي سؤالك عني اليوم ماابغاه
ماريد قلبك دام هذي خطاويك
عفت الهوى من بعد ماشفت دنياه
عفت الليالي كلها في تجافيك
ببكي ندم وببكي وله بعد فرقاه
واكتب قصيدة حــــزن بفراقه
والله أحبه ويصعب القلب ينساه
لكن عزة نفسي تقــــــــول مابيك
ضيعت قلب حالف مايخليك
والحين مابي يمرني طيف ذكراه
حبــي رفعــك ولازم انه يوطيــك


ابشرك حي وعيــــش بسعاده
لاتحسب اني عقب صدك توفيت
غرورك اللي دايم في زياده
اعماك عن دروب الحقيقه وزليت
صحيح جمالك ما يبيله شعاده
والله عطاك من الحلى ما تمنيت
والله عطاني عز نفس وجلاده
قلب المذله احـــــرقه لو تأذيت


مشاهدة ممتعه

انتظروا الاجزاء القادمة..والقادم اجمل