قصيده لبني خالد

حنا بني خالد كسابة الطيب تشهد لنا العدوان قبل القرابة
حنا هل الميقاف وقت المواجيب تاريخنا من عصر دور الصحابة
حنا هل التقدير بين الأجانيب عند العرب نحضى بقدر ومهابة
حنا لياهلت دموع الرعابيب نقدم على الموت الحمر مانهابة
حنا ليا صارت حقوق ومطاليب نأخذ ولانؤخذنهار الطلابة
حنا ليا عكر لصافي المشاريب نطفى ضما العطشان مثل السحابة
حنا ليا هبت سموم اللواهيب ربيعنا يا بخت منهو حضابة
حنا ليا من كشر انيابة الذيب مانحسب حساب لقنيب الذيابة
حنا حماة الخيل والفطرالشيب يوم الليال الماضية ينغزابة
حنا الدواء لجروح عطب المضاريب لاطاح بالميدان ينزف صوابه
حنا مقر الراي عكف الأشانيب صغيرنا فالراي يحسب حسابة
حنا ليا صاح المنادي لة انجيب يفرحليا سمع المنادي جوابة
حنا منازلنا بعال المراقيب امن الحساء لحدود تدمر وطابة
حنا لضيف الجار عز ومعازيب انجود بالماوجود حزت غيابة
حنا سيوف الحق بين الأصاحيب تزداد فينا بالشدايد صلابة
حنا وهبنا عالم السر والغيب شجاعة ماهي مع كل لابه
والنعم في كل القبايل عن العيب افعالهم بالمجد حافل كتابة

اقولها من دون شكه ولاريب شاعر وامجد لابتي بالنيابة

الله على هذي القصيده الرئعه يام احمد تقبلي مروري