بسم الله الرحمن الرحيم
يالله يا سامع دعا من يناجيك
يا فارج الضيقات منجي دخيلك
يسالك عبد ميقنن بالرجا فيك
أنت الأمل والملتجى و التجيلـك
أنت الكريم اللي كثار حسانيك
نطلبك وفقنا لمنهج سبيلـــــك
يالآدمي لو شفت حيك وغاليك
اللي تعدى يم جارك يجيلــــــك
يوم فرح وتعيش باذكار ماضيك
ويوم من الدنيا سريع رحيلــك
يبقى عزيزك بازرق الدمع باكيك
وقبله بكيت امن القرايب خليلك
سكناك بيت دون باب وشبابيك
أقرب قريبك يم بيتك يشيلــــك
عايش وحيد لا حبيب يواسيك
ألا دعاك وسجدتك وتهليلــــــك
لو كان بعلا الصوت ناداك داعيك
ما تسمعه والى عملته نزيلـــك
سنة حياة وما وطى الناس واطيك
يا كيف تبغى ميلها يستويلــك
أصلح معا مجري الهبايب مساعيك
من شان تفرح يوم تلقى حصيلـك
مـــــــوجة الـــــبــــــــــحر