كان الغلا وسط قلبه

واحد ينام وعنده اللي يضمه
واحدن ينام وضم همه على هم

واحدن لقاله عطر صدر يشمه
واحدن على ريح الحزن أدمن الشم

واحدن مسح دمعات عينه بكمه
واحدن غرس سنه من الضحك بالكم

وانا غريب لي مع الوقت غمه
أسقت عروقي من الغلا شربة السم

غربة وطن يابشر وسط لمه
وغربة شتات في وطن يجهل اللم

ياما شربنا الهم كيفه وكمه
وياما قلوب ترخصك قالت بكم

كان الغلا في وسط قلبه ودمه
يرقى مع أنفاسه ويجري مع الدم

واليوم لا بأنشد عن أحواله وقله
((شخص أتمنى موتته ماتندم))